Overlege

Medisinsk klinikk har ledig 100% fast stilling som overlege ved Seksjon for nyresjukdommar. Stillinga er i dag konstituert. Tiltreding etter avtale.

Medisinsk klinikk har om lag 600 tilsette og seksjonar for nyresjukdommar, infeksjonssjukdommar, blodsjukdommar, fordøyingssjukdommar, geriatri og hormonsjukdommar.

Seksjon for nyresjukdommar dekkjer alle felt innan spesialiteten med unntak av transplantasjon. Seksjonen har ei stor dialyseavdeling med satellittar i Øygarden og Alver, med om lag 100 pasientar i hemodialyse og 20 i peritonealdialyse. Heimedialyse (heimehemodialyse og peritonealdialyse) er eit satsingsområde. Sengeposten har 12 nefrologiske senger og behandlar både pasientar med nyresjukdom og generelle indremedisinske pasientar. Seksjonen har stor aktivitet i Medisinsk poliklinikk.

Norsk nyrebiopsiregister er knytt til seksjonen. Seksjonen har 12 overlegar i heile og delte stillingar, 4–5 LIS i indremedisinsk fagfelt og 1–2 LIS1. Seksjonert bakvakt er for tida 8-delt.

Seksjonen har stor utdannings- og forskingsaktivitet, med Klinisk institutt 1 ved Universitetet i Bergen som største samarbeidspartnar. Det er knytt 1 professor og 1 førsteamanuensis til seksjonen, og seksjonen deltek i fleire nasjonale og internasjonale kliniske studiar.

• Klinisk arbeid i seksjonen sine ulike aktivitetar, og deltaking i vaktordninga i klinikken etter avtale
• Undervisning og rettleiing av legar i spesialisering
• Deltaking i forsking og kvalitetsforbetringsarbeid

• Spesialist i nyresjukdommar. Søkjarar som er nær ferdig spesialist kan bli vurderte
• Norsk autorisasjon som lege
• Gode norskkunnskapar, munnleg og skriftleg
• Det vil bli lagt vekt på klinisk kompetanse, forskingskompetanse og samarbeidsevner

• Interesse for nefrologi og indremedisin
• Stor arbeidskapasitet og gode evner til å arbeide med pasientar
• God motivasjon og fleksibilitet
• Du bidreg positivt til eit fagleg og kollegialt godt miljø

• Fast stilling i ein stor universitetsseksjon med breie kliniske oppgåver
• Eit aktivt fagmiljø med sterkt fokus på opplæring, undervisning og forsking på høgt internasjonalt nivå
• Gode høve til å kombinere klinikk med forsking, mellom anna gjennom kliniske studiar og samarbeid med UiB
• Løn etter gjeldande tariffavtale
• Gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Om arbeidsgiveren:

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook. Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.