Sommarvikariat medisinstudent med lisens - oftalmologi

Augeavdelinga ved Førde sentralsjukehus søkjer ein medisinstudent med lisens for sommaren 2027.Arbeidsperiode: 14.06.2027 - 15.08.2027.

Vi søkjer medisinstudent med lisens som har interesse for, og gjerne erfaring innan, oftalmologi. 

Augeavdelinga har ni legestillingar, der fire er LIS-stillingar, i tillegg til optikar og sjukepleiarar. Vi har høg poliklinisk aktivitet innan alle delar av augefaget, samt betydeleg kirurgisk aktivitet.

Vi har engasjerte og dyktige medarbeidarar og eit godt arbeidsmiljø. 

Vi ber om at eventuelle ønskje om ferie i arbeidsperioden blir opplyste i søknaden.

• Arbeid som LIS 2/3 ved augeavdelinga/poliklinikken
• Poliklinikken har eige operasjonsavsnitt med to operasjonsstover. All kirurgi innan augefaget i Helse Førde vert utført her.
• Vanleg oftalmologisk poliklinisk aktivitet
• Deltaking i vaktordning p.t. firedelt heimevakt

• Medisinstudent med lisens
• Utdanning innan medisin
• Student på profesjonsstudiet i medisin.
• Gode språkkunnskapar er heilt avgjerande for forsvarleg pasienthandsaming. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell)

• Du har god fagleg vurderingsevne og arbeider målretta og strukturert
• Du arbeider godt både sjølvstendig og i team
• Du kommuniserar og samarbeider godt med pasientar, pårørande og kollegaer
• Du møter pasientar på ein profesjonell og empatisk måte, er imøtekommande og viser respekt.

• Løn i samsvar med gjeldande overeinskomst
• Gode pensjons- og forsikringsordningar
• Triveleg arbeidsmiljø
• Høgt fagleg nivå

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse

Om arbeidsgiveren:

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.