Overlege

Ungdomspost psykisk helsevern (UPH) har ledig fast stilling for overlege frå april 2027. 

Avdeling for psykisk helsevern for barn og unge er organisert i fire seksjonar: ein sengepost og tre poliklinikkar. UPH er lokalisert i Støabygget i Førde og er ein del av eit stort og tverrfagleg fagmiljø innan psykisk helsevern.

UPH dekkjer ei barne- og ungdomsbefolkning på om lag 12 200 fordelte på åtte kommunar. Vi har spesialistar innan alle profesjonar og dei fleste fagområde, mange med lang erfaring frå feltet. Dette gjev eit sterkt fagmiljø med høg kompetanse og gode moglegheiter for fagleg utvikling.

• Utgreie, diagnostisere og behandle psykiske lidingar hos barn og unge
• Samarbeide med førstelinja og andre i spesialisthelsetenesta om eit heilskapleg helsetilbod
• Deltaking i interne og eksterne møter, undervisning, fagutvikling, rettleiing og anna organisatorisk arbeid
• Overlege inngår for tida i 5-delt bakvaktordning for Psykisk helsevern for barn og unge 
• Arbeid for poliklinikk kan påreknast

• Norsk autorisasjon som spesialist i barne- og ungdomspsykiatri
• LIS som har kome langt i spesialiseringsløpet kan òg bli vurdert
• God norsk munnleg og skriftleg framstillingsevne

• Gode evner til å møte barn, unge og foreldre slik at dei opplever seg sett og forstått
• Gode evner til å samarbeide med andre på ein likeverdig og respektfull måte
• Fagleg interesse og tydeleg engasjement, med ønskje om å vere med og utvikle behandlingstilbodet vidare
• Gode evner til å arbeide strukturert og målretta, og har høg arbeidskapasitet
• Trivast i eit aktivt miljø og tverrfagleg team

• Lønn i samsvar med gjeldande overeinskomst  
• Gode pensjons- og forsikringsordningar
• Eit godt og ivaretakande arbeidsmiljø
• Varierte og utfordrande arbeidsoppgåver
• Det vert lagt til rette for fagleg og personleg utvikling

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Om arbeidsgiveren:

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.